Arcuelh Visites de Bordeaux

Visites de Bordeaux

Maucoudinat

Non, lo gascon n’es pas encara mòrt a Bordèu ! La lenga e la cultura occitanas damòran totjorn capvath son istòria, sas costumas e sons noms de lòcs.

L’Ostau Occitan vos prepausa de venir descobrir aquestas riquessas sovent mauconeishudas o aublidadas, sovent per los quites Bordalés : Una vila cargada d’istòria e de cultura, una vila de resisténcia(s) ont se crotzèren daus personatges illustres, una capitala istorica de la Gasconha, e tanben – lo pòdem aublidar daus-uns-còps – una metropòli occitana majora.

Un dimenge per mes (d’abriu a setembre), l’Ostau occitan organiza una vesita guidada de Bordèu-la-gascona per vos menar dens las ruas a la recèrca de nòsta lenga e de nòsta cultura.

Aqueras vesitas duran de cap a 2 òras (manca mencion contrària) e son guidadas per Julian Pearson, sol guide-conferencèir a exerçar en occitan sau territòri. Las vesitas seràn, lavetz, en francés o en occitan, segon los mes, los participants e los tèmas.

Las vesitas son articuladas cada mes a l’entorn d’un tèma diferent (la ciutat de las aigas, los contes e legendas, los vielhs mestèirs…) e donc, d’un quartèir e de lòcs diferents. Cada còp, poiratz atau descobrir de novèlas causas !

Enfin, per lo Mascaret (lo Hestenau occitan de Bordeaux), una veisite “descobèrta” es organizada pendent la jornada dau Mercat occitan (un dissabte d’octòbre, plaça Fernand La Farga). Aquesta a donc lòc dens lo “vielh Bordèu” e vos “cabuisha” dens l’istòria dau Pòrt de la Luna d’una manèira inacostumada : en partent de l’origina de las ruas, de las tradicions e daus mòts d’ací !

Prètz modic :7 € prau grand public, 5 € praus aderents a l’IEO, a gratis praus mensh de 12 ans (sos resèrvas de variacions).

 

Shau ! Lo nombre de personas es lemitat a 25. Vau donc mei de reservar vòsta plaça au mens 1 jorn avant la data de la permenada. Per aquò, pòdetz contactar Julian Pearson, vòste guide, a guide@ostau-occitan.org o au 06 73 66 83 09. Se vòletz organisar una vesita per un grop constituït o damb de las demandas particulàrias, nos fau contactar !

21 comentaris sus “Visites de Bordeaux

  1. Estimat guide,
    Vos prejem de nos excuzar, mas regretem de vos far saber que serai sol a la visita deu 2 de febrier e non dos tau coma aviam reservat. Vos grandmercejem de liberar una de las doa plaças que fuguren reservadas.
    Au plaser de vos tornar segre lo dissabte dos de febrier.
    L’Alan.

  2. Pingback: 404 Not Found
  3. bonjour,

    agréable découverte, hier après-midi place Pèir Berlan,

    avec un commentaire éclairé et enrichissant de notre jeune guide-conférencier, autour de la plaque commémorative de Dauna ALIENOR, en gascon d’auts cops!

    plan mercès, e à manlèu!

    Martin & Gaetana.

  4. Résultat du sondage effectué par La Dépêche pour l’appellation de la région qui regroupera Montpellier et Toulouse et bien tout simplement Occitanie! C’est bien se foutre des Gascons, Provençaux et autres occitans! Voilà à quoi nous mènent les conneries de nos gouvernants! Vive la Grande Occitanie! De Bordeaux à Nice! Gascon et fier de l’être!

Leave a Reply

Eveniments

There are no upcoming events.

Twitter