Noste amic Patric Lavaud vien de hàser parèisher un libe deus interessents sus l’occitan parlat en Medòc. Bastit sus testimoniatges recuelhuts enter 1983 e 1989, l’obratge ofreish una diversitat de tèxtes : racontes, soviers, condes, comptinas, cançons, provèrbis…
Qu’es hresc e plan fotut, a còps arridolent, e aquò se deisha lèger dab plasèr.
Cau diser qu’a cada còp, Patrick Lavaud, tanben director de las Nuèits Atipicas de Lengon, ofreish la transcripcion deu tèxte en occitan, la soa revirada francesa en fàcia, e balha a enténer l’enregistrament originau, com lo libe es acompanhat de 3 CD (tant plan com de beròias fotografias d’espòca).
De que har lo torn de la question, e se hàser sia la lenga, l’istòria, e las tradicions de la peninsulòta. De que hicar la bua a soviers de quauques uns e au curiosèr deus autes !