Arcuelh Internet Planvienuts suu site de l’Ostau Occitan !

Planvienuts suu site de l’Ostau Occitan !

Planvienuts suu navèth site de l’Ostau Occitan, la seccion girondina de l’Institut d’Estudis Occitans.

Sus aqueth site, trobarètz totas las actualitats de l’Ostau, tau com los axes desvolopats per l’associacion, qu’a per tòca de promover e de deféner l’occitan-gascon en Gironda.

Au programa

  • ActualitésUn portau Actualitats : sus aquesta pagina d’acuèlh tornaràn pujar las darrèiras infòs en data, en ligam dab l’occitan e la Gironda, mes pas sonque, las nòstas activitats e las de nòstes amics… Idèias de sortidas, articles de hons, oraris de cors, trobarètz segurament lo vòste bonur sus aquesta pagina, a condicion de viéner sovent !
  • CultureUna pagina Cultura : petit torn d’orizon de la creacion culturau en Gironda ( e un chic au delai). Pas exaustiu, mes representatiu de mei d’una tendéncia.
  • Cours pour AdultesUna pagina Cors Per adultes : oraris, lòcs e organizators de tots los cors e talhièrs d’occitan per adultes suu departament. Aquiu, ne poderatz pas passar a costat !
  • Enseignement ScolaireUna pagina L’Òc a l’Escòla : tira de las possibilitats de percors escolaris dab pauc o pro d’occitan. Pr’amor parlar dus lengas despuish tot joenòt es mei que plan !
  • Vie PubliqueUna pagina Cada Dia : l’occitan es pertot, quitament dens l’economia, quitament sus panèus rotièrs…
  • RessourcesUna pagina Ressorças : destinada a arcuélher los utis, los supòrts, brac, tot çò que l’Ostau Occitan vòu botar a la dispausicion deu public. Peu moment i trobarètz 3 seccions, mes i a dijà de que lèger :
  • Bibliotèca Occitana de GirondaUna seccion Bibliotèca : una gròssa partida deu nòste site es reservada a un catalògue consultable en linha de libes en occitan o sus l’occitan disponibles au prèst dens nòstes locaus, e a divèrsas paginas a costat : noticias d’autors, noticias de prèmis literaris… la literatura occitana que dintra dens l’èra numerica !
  • AgendaUne seccion Agendà : un vertadèir agendà en linha, ende non pas mancar arren de l’actualitat occitana en Gironda, dia per dia, ora per ora, tot es listat e aisidament consultable. E se per malastre passavam a costat d’un eveniment, aurètz la possibilitat de nos lo tornar diser directament. Aquò es d’interactivitat !
  • Liens OccitanUna secion Ligams : l’Ostau Occitan a hòrt d’amics e vòu ic har saber !

Las causòtas en mei

Pendent vòstas passejadas sus aqueth site, aurètz en permanéncia de modules dens la colona de drèita, a saber :

  • IEOUna pagina de presentacion de l’IEO e de sas activitats, ende nos conèisher melhor.
  • Bibliotèca Occitana de GirondaUn accès dirèct au catalògue en linha de la bibliotèca occitana de Gironda, consultable de biais independent deu nòste site.
  • CalendariUn module calendari “pense-bête”, setmana per setmana, qu’afica de biais colorat las datas ont se passen causas (picatz sus las datas escriutas en rotge per mei d’informacions), e los tres eveniments a viéner. Ne serà pas mei possible de passar a costat de quauquarren a l’ora d’ara !

ContactUna barra Contact se situeish en permanéncia en bas deu site. Vos balharà totas las informacions praticas sus l’Ostau Occitan, coordonadas, situacion geografica. E mei que mei, vos permeterà de conèisher un chic mèi los administrators de l’associacion e de causir lo o la au quau vos adreiçar quand aurètz una question precisa a pausar.

Ende completar lo passatge au Web 2.0 (passatge que s’es efectuat shens un quite estanc au Web 1.0), podètz adara nos seguir sus Twitter e Facebook, en picar respectivament sus l’ausèth blu  e la bandèra blua en haut deu site.

E qu’avèm mancat desbrombar lo mei important : èra de non pas pensar de har un site sus l’occitan sancèrament en francés.

Es ende aquò que lo site de l’Ostau Occitan es SANCERAMENT BILINGUE. Ende passar d’una lenga a l’auta, vos sufeish de picar suus drapèus e en haut a drèita deu site, e aquò a tot moment. Totas las paginas e tots los articles deu site seràn disponibles dens las duas lengas (manca cas de canhassa).

Bona lectura e a lèu !

Leave a Reply

Your email address will not be published. Required fields are marked *

Eveniments

There are no upcoming events.

Twitter