Souscripcion per la Plega 2013
Dinc au 10 de junh, que podetz comandar au près d’IEO Edicions (IEO Edicions, IEO-IDECO, ZA Plaine St-Martin, 81700 Puylaurens) los 3 títols de la plega per 38 euros, frais de mandadis inclusits (e non pas 44 euros) en tot tornar lo bilhet de soscripcion junt aci-devath acompanhat deu vòste chèc (a l’òrdi d’IEO-IDECO)
Bulletin de souscription à télécharger (pdf)
Vautres que m’avètz tuada (A Tots – Crimis 193)
Joan Ganhaire
“Lo medecin Cabanel era un bel òme. Grand, espatlut, los piaus enquera blonds bien ondulats, fasiá pas sa seissantena. Sos uelhs blues espiavan los dos òmes de l’autre costat de son bureu, cilhas fruncidas, seguramenr en causa de sa chamisa. Era fotuda sa brava chamisa. Dos cròs negresits de podra tanben rogesits per un pauc de sang calhat. Dos còps de fuòc a corta portada.”
Qui sembla voler tuar tots los medecins de maraval ? Lo comissari Darnaudguilhem e sa fina còla aurán bien dau mau a descobrir l’òrra veritat.
Joan Ganhaire, escrivan dau Perigòrd, autor de nombrós romans e novelas, conta aquí una novela istòria dau comissari Darnauguilhem e de sa còla, Barbancés, Ben Amrhane e Peironin, qu’aviam descruberts dins Sorne trasluc e Las tòrnas de Giraudon, desjà publicats dins la colleccion “A tots – Crimis”
co-edicion IEO Edicions – Novelum
- Parution : 15/06/2013
- ISBN : 978-2-85910-509-9
- 196 pages 13.5 x 18 cm
- Prix public de vente : 15.00 € TTC
Pantòri (A Tots 194)
Romièg Jumèu
“Ausi lei cridadís dei marins sus la cubèrta ; lei rires, lei cançons e mai leis odors de la vida vènon fins a ieu, per bofadas, segon l’umor deis auras. Puei aquelei landan vèrs Marseha e entendi plus ren que l’alen potent de la mar.
E mai que siguessiatz nascuts, totei dos, après l’annada funèsta, siatz encuei tot çò que me rèsta de la familha nòstra. La tendresa que me ligava tant fòrt a vòstre paire, l’ai portada sus vosautrei ; ni lo temps, ni ma vida d’exili l’an poguda estofar.
Pensatz a ieu, de còps !”
Romieg Jumèu es nascut a Marselha. Après daus estudis a l’Escòla de Bèlas-Arts e un Prèmi de gravadura e d’estetica, a trabalhat dins la publicitat. A ja publicat Sénher Quau e Cronicas imaginàrias, dins la colleccion « a Tots », e un recuelh de poèmas, E siguèsse una nafra… la lutz.
IEO Edicions
- Parution : 15/06/2013
- ISBN : 978-2-85910-508-2
- 234 pages 13.5 x 18 cm
- Prix public de vente : 16.00 € TTC
Las vacanças de Pascas (A Tots 195)
Sèrgi Gairal
“Un ser de setembre, mamà s’enanèt… e tornèt pas. Faguèri los cinc ans sens ela. La mòrt de las bèstias l’aviái vista de prèp, quand la grand tuava un lapin, un polet, quand lo cat s’èra fach espotir per una veitura a quatre passes de l’ostal. La mòrt de ma maire, la compreniái pas.”
Un personatge tòrna aparéisser 17 ans pus tard per respondre a una question que totes se pausèron : cossí una dròlla de dètz ans poguèt desaparéisser pendent un mes e mièg, quand tot lo vilatge e los gendarmas la cercavan ? Ont èra passada ?
Coma dins sos romans Lo barracon, Un estiu sus la talvera e Lo fuelh rosegat, Sèrgi Gairal nos mena dins l’univèrs de las relacions familialas.
IEO Edicions
- Parution : 15/06/2013
- ISBN : 978-2-85910-507-5
- 108 pages 13.5 x 18 cm
- Prix public de vente : 13.00 € TTC