Los 12 e 13 de mai de 2012, la seccion departementala dels Aups Maritims de l’IEO (IEO-06) en partenariat amb la seccion regionala PACA de l’associacion (CREO Provença), organizarà l’Amassada Generala a Niça. A-n-aquela escasença, diferents bilances, mocions, perspectivas seràn mesas al vòt per l’associacion, en mei de l’eleccion d’administrators navèths. Es important que cadun dels aderents participa a la vida de l’associacion. Sètz doncas convidats a vos venir exprimir a Niça pendent aquel eveniment.
En cas de que poiriàtz pas èsser presents, podètz emplenar lo butletín aicí-junch e lo tornar, emplenat e signat, a direccion@ieo-oc.org. Una persona pòt pas aver mai de 9 poders per l’AG.
L’AG que serà tanben l’escasença de tornar amassar lo monde a l’entorn de las comissions de tribalh, que son:
- transmission de la lenga e bilinguisme
- pedagogia
- toponimia
- edicion/difusion/distribucion
- comunicacion
NB: mei d’entresenhas suu site de l’IEO (www.ieo-oc.org)
butletín aicí-junch